مجموعة زهيريات

لي صاحبن جنت اضن باغله الثمن ينشره

ومن سر اكوله اله ماضن ابد ينشره

شو عنده مثل الهدم فوك الحبل ينشره

وما اضن بيه اكتفه كل يوم اله دكه

راواني عنبر لجن من باعني دكه

وبسمار غدره اسف بوسط الكلب دكه

ياريت بس بسمره كض الكلب ينشره

.................................................. .................

صفحات عمري كضن ياصفحه بيهه نقص

مو حته مكصي عمه وبالخام كمنه نقص

غركان شابع مطر لتدك عليه نقص

سود اليالي تره من جسمي تدري نزل

سطرلي كله رمل وعيون بيري نزل

ميزان غيره جبت كل ربعي كالو نزل

والله وزنتهم غيرتهه كلهه نقص

.................................................. .........

ياصاحبي بيضه ودادك ما وراهه صفر

معتدل لونك ولوني من التجافي صفر

ياهو من العواذل بذانك صفر

يلبيك حالي وصل للموت واشرافه

لاوالعرش والسمه والموت واشرافه

اني من الاكيك اكولن هل العيد واشرافه

هاي المروه من الاكيك تكلي لاهل صفر