غلطان ولله اعترف مستاهل اني اغلطت
سئت اختيار المحب بكَليبي صـــدكَـ علت
ابأيــــدي شلت الجمر من ناره ما صيحت
شلتك جرح بالكلب لوعـــــات منك شفت
ضنيت بيك الوفه توفيلي صــــــــدكَـ كَلت
لاجن هظيمه ولك من طحت انته فـــرحت
خليت بيه القهر رأســـــــن عفتني اورحت
وانه الأصب الدمع لو اسمع انته اعثرت
مو انته ذاك المحب احلف انـــــه اتبدلت
جنت انـــه ليك النظر انته الكلت واحلفت
شنهو البدر يا ترى وشنهو اختلف بالوكت
كلبي اعلى طبعه وفي بس انته شو غيرت
شنهــــــــو الجرالك ولك تتعزز اعليه كمت
صدّك ولك واعتقد ما اطخ انه شما صرت
ابقه انه ذاك الوفي الماعفت مره اوخنت
راجع حسابك غلط نقصت مــــــــــا زودت
مفروض تجمع وفه بس انته شو نقصت
لا تنسه اني الوفي ولا تنسه انته اغدرت
أكتوبر 20th 2007, 02:36