قصيدة فتاة في يوم زواج حبيبها !!
جاني الخبر يا صاحبي واظلم الكون
قــدام عيـنـي ثـــم نـطـقـت الـشـهـاده
عـلـى العـمـوم اقولـهـا الــف ملـيـون
مـبـروك مــن قـلـب شكـالـك ابـعـاده
مبـروك لا يهمـك سواليـف وضنـون
مــن عـاشـق يهـديـك فـرحـة فــؤاده
سـو الفـرح الـيـوم وابلـيـس ملـعـون
والـلـي يـشـب الـنـار يجـنـي رمــاده
انـا اول العالـم علـى الصالـه يلـفـون
اول مـعـازيــم الــفــرح والــحـــداده
ابشر انا برقص على العرس بالهون
كــــل يـعـبــر فـرحـتــه بـاجـتـهــاده
لـو البـلا رقـصـي يقـولـون مـزيـون
المـشـكـلـه الـقــلــب يـفــضــح وداده
يـوم العـذارى فــي دخـولـك يغـنـون
وعروستـك باحلـى ثـوانـي السـعـاده
كـنــت اتـمـنـى بـدالـهـا والله اكـــون
واحط انا كفـي تحـت راسـك وسـاده
واشلون ابكتم صرختي يـوم تمشـون
تـكـفـى ..خـذنــي للـعـروسـه قـــلاده
حتـى معازيـم الفـرح قامـو يمـشـون
واصبحت انا وحـدي بـدون استفـاده
وطفو علي النـور مـن غيـر يـدرون
قـصــر الـفــرح يـــا قـبــر ومـهــاده
وصيتـي لـو جـاك بنـت وانـا امــون
سميتـهـا لــك بإسـمـي قـبـل الــولاده
أكتوبر 20th 2007, 02:38