صرخت الم

گلبي يحب....بس انصدم
بالفرگه واصبح شاعر
صرخت ألم....دمعت حزن
وسطه ويكسر الخاطر
صارن لأن....عنه رحت
والفرگتك ما گادر
شصبر بعد....ماظل گلب
يحمل صبر ويكابر
طاح الجبل....لمن سمع
ونتي التبچي الكافر
وسط الشجر....ناح الغصن
من شاف دمعي الحاير
بلبل فرح....لاحه الحزن
وبعشه ظل ما طاير
كل الورد....أسود لبس
زاعل اللون الزاهر
ماي الندى....بطل ينث
چي سمع بيه الصاير
بعدك علي....جار الوكت
واني اصبحت متحاصر
بين الدمع....بين الحزن
وحدي أنه ابلا ناصر
يمته تحن....ليه وتجي
وتذكر محب يمسافر
جاب العمر....يتنطرك
ترجع اليوم وباچر