الي جسر الصرافية العظيم

الي جسر الصرافية العظيم
..................

انكسر ظهرك عرض وذراع طگ اذراع
يبو ظهر المحدب لليجي يعبرك

يسرتك بالرصافه امزيره او يالگاع
واليمنه اعله جرف الكرخ تنتظرك

جنت شايلهم اسنين اعله دجله اشراع
وبفيك الف فرعون ينتظرك

صبو كل حقدهم والضباع اضباع
نعرفهم وحك احزامك وخصرك

نعرفهم وسخ يكرف وسخ من ضاع
لموهه واجوك وفجروا ظهرك

بعد ما تستر الظلمه اليخون ابساع
انكشفوا ياجسر وصخامهه ابنهرك

باجر تنبني وتكوم لينه اردود
ونگلك رجع هارون ونبشرك